Nos tim ta konsistí di coachnan di estudio i trabou entusiasmá i pashoná, un konsultante di HR i un asesor ku ta hasi tur kos pa yuda abo yega na un estudio/empleo adekuá. Bo tin pregunta, bo ta interesá, bo ta kurioso òf bo tin gana di bin sera konosí? No duda pa tuma kontakto ku nos.
SJOUKJE
‘Mi nòmber ta Sjouke van der Es i denter di HR Werkt mi ta un di e coachnan di estudio i trabou. Pa mi kontakto personal i atenshon ta hopi importante. Pa e motibu ei mi ta hasi esfuerso pa kada individuo ku ta traha na HR Werkt haña e guia korekto. Dor di mi pashon i spontaniedat tur hende mesora ta sinti nan skuchá, seif i apresiá denter di e empresa.
Na e momento akí mi ta biba na Boneiru ku mi famia, ku ta konsistí di 4 yu mashá dushi mes, un kasá hopi lif i sin lubidá Soof e labradoodle.
Banda di mi trabou mi ta gusta deskubrí resetanan nobo. Ademas mi gusta biaha.
ANNA
‘Hoi! Mi nòmber ta Anna Reitsma i mi ta coach di estudio i trabou na HR Werkt.
Mi ta mira HR Werkt komo un bunita reto. E idea di traha ku hende nobo i huntu traha pa alkansá metanan bunita a kai hopi na mi agrado. Algu mas tokante di mi persona: mi ta biba na Groningen i mi 2 pashonnan ta futbòl di sala i biaha.
Mi ta purba di hasi tur kos ku mi ta hasi den bida diario ku hopi alegria. Sosial, sigur di mi mes, gusta yuda i ta disipliná. Ta palabranan ku ta deskribí mi hopi bon.
TINE MARGRIET
‘Mi ta Tine Margriet Reitsma-Bosma i mi ta biba temporalmente na Surhuisterveen. Den verano mi ta keda den un camping huntu ku mi pareha, Tjibbe Reitsma. Nos tin 3 yu muhé i un ñetu muhé.
Mi hòbinan ta biaha, nabegá ku boto, kana keiru ku kachó òf ku mi ñetu i kore baiskel. Mi trabou komo kolaboradó di HR ta pa mi un meta fantástiko pa huntu ku e tim yuda otro hende pa nan haña un mihó futuro.
Mi funshon ta prosesá oranan i guia hende denter di e tim. Mi motivashon ta ofresé hende un oportunidat pa un mihó futuro. Ta difisil papia tokante mi mes karakterístikanan, pero mi ta konsiderá mi mes komo pashoná, servisial, sinsero, konfiabel i semper kla pa yuda otro en bes di sòru pa mi mes.
JUDITH
Mi nomber ta Judith Brekelmans i mi ta un konsultor di HR i entrenador na HR-Werkt.
Mi ta traha i biba na e islanan Karibense pa 14 aña, prome riba Kòrsou i awe 10 aña na Boneiru. Hende i trabou semper ta na e sentro di mi atenshon, den e sentido mas amplio di e palabra. Mi por deskribí mi mes komo entusiasmá i impulsá, i e ekspreshon ‘loke bo mira ta loke bo haña’ sigur ta apliká pa mi komo persona i pa mi manera di traha. Ademas di esaki, sinceridat i respet mutuo ta hopi important pa mi.
MARCELINO
Mi nomber ta Marcelino Mauricio y mi ta un asesor y entrenador na HR-Werkt.
Pa mi e ser humano ta e punto sentral y mi ta trata e ser humano for di un perspektiva holistiko. Motivashon, kapasidat pa refleha, autentisidat y potensial di e individuo ta hopi importante pa mi. Mi motivashon ta pa inspirá y empodera otro.
Mi semper ta dispuesto pa sirbi otro ku mester ayudo.
Mi ta gusta sali for di mi zona komfortabel i hasi uso di oportunidat nobo. Mi ta yama mi mes motivá, envolví, persistente, pragmátiko i un pensado “out of the box”. Ademas sinseridat, respet mutuo i klaridat ta hopi importante pa mi.
